محمد سيوفى{ عاصى من كتر فِعله
عاصى من كتر فِعله
إتعجب منه الشيطان
مسابش ذنب وفَعله
حتى الكبيره كمان
فى السرقة تلاقيه مجرى
وريقه للحرام يجرى
وف عز النهار بدرى
بيقتل أخوه الإنسان
لكن إرادة ربنا
واضحه في سير الكون
التوبه تملا قلبنا
وبأمره كن فيكون
فجأة ضميره إتقلب
وبسرعه شيطانه إتغلب
للتوبه ما تعرف سبب
ده ربك كريم وحنون
راح للعابد يسأله
عن كل الذنوب فى حياته
وإزاى ربنا هيقبله
وينزل عليه رحماته
العابد ما كانش تمام
كان ناقص فى دينه علام
قال توبتك أكيد اوهام
وصاحبنا زادت آهاته
وعشان ربنا بيحبه
قابل العالم فى زمانه
بكلامه ريح قلبه
وإيمانه ثبت في مكانه
قال ربك غفور رحمن
ومن كرمه ع الإنسان
تتبدل ذنوبه كمان
حسنات كتير فى ميزانه
العبره هنا يا خال
مش كل عابد بقى شيخ
العالم لازم يتشال
على راسنا ولو بيشيخ
العلم نور وحياه
ودى نعمه من الإله
وإنما يخشى الله
من عباده العلماء
محمد سيوفى
تعليقات
إرسال تعليق