(( أسامه جديانه)))هي الدنيا فيها ايه
هي الدنيا فيها ايه
غير جبر الخواطر
ليه يا ناس جرح المشاعر
و كسر الخاطر
ليه بتحسس اللي ابتلى
انه انتهى و مش قادر
ليه بتئسى عليه بالجفا
و كشف كل ساتر
هي الدنيا هتفضل كده
ربك للمنكسر جابر
طيب كان يحكي لمين
و هو على جرحه صابر
غير الأحبه المقربين
اللي النظره منهم تجبر
ليه نكسر الضعيف
اللي كان بالأمس قادر
رسولنا جبر خاطر الفقير
أكل عنده لجبر الخاطر
لم يأكل معه الصحابه
و انتظروا انه يجابر
لكن الطعام كان به عطب
عنقود عنب لجل يجابر
فرح قلب الفقير
بإبتسامه تجبر الخاطر
هي الدنيا فيها ايه
غير جبر الخواطر
((( أسامه جديانه)))
تعليقات
إرسال تعليق