ايمن شتا يا بخت اللي الزمان صاحبه
يا بخت اللي الزمان صاحبه
وكان في الشدة عكازه
لا يوم اتبري من بخته
ولا اتغير في احساسه
يا بخته اللي عاش مستور
تحط البركة على داره
بيضحك حتى لو مكسور
وشايف حلمه في نهاره
يا بختك لو طويل البال
وبتصون اللي كان منك
ولا تهدك في يوم احمال
كبير وسط اللي من دمك
مصاحب للزمن واصيل
وبختك م الزمن كان خير
وطول بالك بطول الليل
كبير والهيبة ليقالك
بتضحك حتى لو مكسور
وبتصون اللي كان منك
يا بختك لو تعيش مستور
كبير وسط اللي من دمك
يا بخت اللي الزمان صاحبه
وكان في الشدة عكازه
....
ايمن شتا
تعليقات
إرسال تعليق