الشاعرة 🎀 إيناس فوزي 🎀 💕 💕 💕💕 كداب جديد 💕💕
💕💕 كداب جديد 💕💕
كل يوم .. كداب جديد
كل يوم .. الأه تزيد
و لما أقول قلبي ح يفرح
يتوجع تاني من جديد
كل يوم .. كل يوم
كل يوم ..... كداب جديد
تعالوا يالا اسمعوا مني ...
الأولاني .. كداب و جاني و كان أناني
حاول كتير يوصل لقلبي
بالكلام عن الأماني
لكن أوام كشفت كدبه ،
و داريت بقلبي الأه
التاني .. كداب و جاني بكلام أغاني
كل يوم .. يغني غنوة
لما اسمعها .. أقول خلاص ..
.... الحب جاني
لكن أوام .. كشفت كدبه ،
و داريت بقلبي الأه
الكدابين ما كانوش واحد ،
و لا حتى اتنين
كل يوم .. كداب جديد
كل يوم .. الأه تزيد
و لما أقول قلبي ح يفرح
يتوجع تاني من جديد
الشاعرة 🎀 إيناس فوزي 🎀
ديوان 💕 بياع الكلام 💕
تعليقات
إرسال تعليق