سراب الطفولة بقلم/ محمد خليفة
سراب الطفولة
بقلم/ محمد خليفة
....................
جوايا طفل دايما بيحسد الشباب
وشباب بيبكي عمر ضايع كالسراب
وتملي شايف في المراية شعر ابيض
وتملي حاير وبسأل نفسي وأفرض
هل أفرح اني كبرت ولا أبكي شعر شاب
ولقيت حنيني خدني فجأة للدولاب
وفتحت بابه لقيت طفولتي في التراب
ذكريات عشت فيها في الطفولة
بس ماتت وجه دفنها طيف كهولة
وضغط يروي أرض جسمي بالعذاب
وفتحت صوري وشفت في عينيا الحياه
وشفت نفسي كنت لابس طوق نجاه
بس بحر حياتنا عالي وموجته غادره
قتلت الضحكة البريئة ماهي قادرة
والطفولة لقيتها تايهة في الضباب
نفسي تاني ياطفل ترجع وتدق باب
نفسي تيجي بسرعة وتمحي شعر شاب
تعليقات
إرسال تعليق