& واخداني ليه & بقلم/ عماااد الأبنودي
& واخداني ليه &
بقلم/ عماااد الأبنودي
.........................
واخداني ليه ع خوانة
من حالة لأسوء لحالة
يا دنيا ولا ترحميش
اكونش ليك مقاولة
ولا عاملك عملة
معايا ما بتهماديش
هو مافيكش غيري
بتذلي ... و تهنيني
ومعاكي مش عارف أعيش
واخداني طريحة و معاندة
و عليا دوما جااااحدة
و نازلة فيا تلطيش
إهدمي و طفي نااااارك
مش لازم تخدي تاااارك
بتخويني .. ما توفيش
غدارة و ملكيش أمان
متمسك فيك غلبان
و شبعان منك خرابيش
بتفرميني غصب عني
و سااااارقه الهنا مني
و فواتيرك فوقيها بقشيش
صدقوا اااااللي فاتوكي
و عمرهم ما حبوكي
لأنك ... ما بتهتميش
نصابة تملي و أونطة
و ضماناتك بدون فكة
و لا تنفع في التحويش
ع العموم كتر خيرك
و عتبك ع اللي يجيلك
أصلك ما تستهليش
بقلم
عماااد الأبنودي
27 . 4 . 2022
تعليقات
إرسال تعليق