عبدالله محمد حسن نور الوجود كله
نور الوجود كله
يارازق الإنسان
والوجود كله
نورك بيهدينا
من الشر يحمينا
نور الايمان فينا
يهد جبال اليأس
ويجدد أمانينا
نسهر ليالينا
نترتل القران
نسجد في محرابك
واقفين علي بابك
نرجو ونتمني
تقبلنا في أحبابك
بدمعنا نشكي
عذابنا وجراحنا
دا بعدنا عنك
عمره ماريحنا
رجعنا تاني ليك
من رحلة التوهان
دبلت زهور علي الدرب
أرحمنا يارحمان
مدينا ليك الأيد
أنقذنا من المواجيد
خلي القلوب تقيد
من تاني شمع الخير
قوي عزيمة الحب
في قلوبنا وارويها
بنور الرضا يارب
قوي أمانيها
نهر الجمال موصول
بالعدل والميزان
وصدقنا في القول
وفعلنا الإحسان
لانخاف من اللي بغي
ولا اللي ليه سلطان
مادام جنابك أمر
تخلص الأحزان
كل اللي عادونا
رجعوا حبونا
بعد ماعرفوك عرفونا
أصل المعرفة بالله
طريقها يامحلاه
دا اللي يسير للنور
يسير الجمال وياه
يعرف طريق الحب
يسكن هدي جواه
ياالله... ياالله.. ياالله
لسه الهدي موجود
بس اللي ليه يعود
ويغادر المفقود
للي هناه وياه
يارازق الإنسان
والوجود كله
صبرنا قوينا
ثبت خطاوينا
عدينا من بحر الظلام
يارب وأهدينا
خلي زهور الحب
تملي أرضينا
نبني..نعمر
فيها بإيدينا
نهزم غروب الأمل
بصبر
وطاقة عمل
والحب حادينا
شعر
عبدالله محمد حسن
مصر
تعليقات
إرسال تعليق