#كرم ميخائيل} *مية مليون حكاية*
*مية مليون حكاية*
.....................
*عندي مية مليون حكاية
جوا حضني ساكنه فيه
القمر طالع منور
والنجوم حاضنة عينية
والشجر نايم مغمض
والطيور دفاينه بيه
*لما بصيت جنب مني
شوفت أيوا من بعيد
نجمة سارحه أيوا عني
وفي عينيها النور يزيد
شوفت قلب وقلب تاني
شوفت حاجة من الحواديت
*العيون سرحانه طايرة
والقلوب ما هيش معانا
منا عايشة دنيا تانية
جوا حضن الليل سرحانه
في الحنان عايشين لدنيا
والهوا أجمل حكاية
هي تقول له أه بحبك
هو يكتب فيها أية
*شوفت نجمة تانية جاية
شوفت حزن جاي ماليها
لما شافت شهرزادها
والدموع مالي عينيها
لما باع حبيبها دنيا
أصله كان هو ماليها
كانت فاكرة هي بيه
عايشة كل حاجه ليها
بس فجأة لما باعها
النجوم بكت عليها
*لما إيدة عنها بعدت
لما قال طالب وداع
كل حاجة حلوة فيها
كان مصيرها للضياع
حتي حلمها ف عينيها
سابها برضه وهو باع
جاي يعشش حزن فيها
حتى ضي النجمة ضاع
*شوفت نجمة تالتة جاية
وف عينيها فرحة غطت
ع النجوم اللي معايا
لما كانت مني سرحت
جت بتحكي عن حكاية
فرحة فيها أيوا طرحت
*جت تقولي عن أميرة
الفراق كان من نصيبها
بس لا ما غدرش بيها
إللي كان اسمه حبيبها
بعد غربة وفرقة ليها
بعد حزن كان حاضنها
جاي بيطلب أه إيديها
أصله ما قدرش يسبها
*جاي يقولها إني أسف
مستحيل تاني أسيبك
بعد منك كنت خايف
إني ما بقاش من نصيبك
أيوا جوا عينيكي شايف
اني لسه أه حبيبك
كنت حاسس كنت عارف
إني تاني يوم هجيلك
أمسح حزنك من الشفايف
وأقطف الورود لعينك
#كرم ميخائيل
تعليقات
إرسال تعليق