#كرم ميخائيل *إنتي نجمة*
*إنتي نجمة*
.................
*إنتي نجمة من السما
إنتي جايه من مكان
لا فيه دموع حتى ولا
يعرف معنى للأحزان
إنتي شيء مالوش وجود
جوا عالم له حدود
إنتي دنيا عايشة فيا
والحياة بعدك تموت
*يا قصيدة للمشاعر
يا حروف من غير كلام
جوا قلبي النبض شاعر
بالحياة وأجمل غرام
أصلك إنتي عايشه جوا
جايه تدي لقلبي قوة
ع الحياه وع الليالي
يا مشاعر لحن غنوة
*يا سفينة شايله حلمي
يا مدينة وقلب دافي
إنتي واخدة روحي مني
وقت حزني لقلبي شافي
جاي بقولك بإعتراف
من النهاردة وليه أخاف
جاي بقولك إنك إنتي
عوضي عن سنين عجاف
*فيكي بسرح ليل نهار
ليكي بأستني الشروق
ما إنتي شمسي للنهار
نبضي جوا الليل وشوق
يا أميرة واخدة قلبي
يا مشاعر ساكنه حضني
اوعديني معاكي أعيش
ياللي سارقه روحي مني
#كرم ميخائيل
تعليقات
إرسال تعليق