#كرم ميخائيل *بعتت لي رسالة*
*بعتت لي رسالة*
.....................
*بعتت لي رسالة مضمونها
ما تكونش يوم زعلان مني
كتبت لي مشاعر بعيونها
وكإنها بتقول طمني
أنا عارفه في بعدي هتتألم
ويايا ونفسك تتكلم
أنا عارفه حبك دا مكمل
لكن والله غصبن عني
*أنا هقفل حبه وأعملك
حظر مكالمات
ويمكن ما اعرفش أكتبلك
أيوا ع الشات
ما تخافش عليا انا بخير
والموضوع ما فيهوش تأخير
أنا عارفه عقلك هيطير
لو مرة قفلته لساعات
*بس إتحمل حبه عشاني
الموضوع خارج عن إيدي
طب تعمل إيه وإنت مكاني
طب حلك ايه إنت يا سيدي
أنا عارفه إنك بتقدرني
شيلاني عينيك جوا النني
بس أوعي يوم تزعل مني
وتقولي دا مكانش بإيدي
*رديت عليها برساله
إنتي عارفه إنك عندي
الدنيا وبعدك لا محاله
الدنيا أعيشها أنا لوحدي
بعتت لي رساله بتقولي
علشانك فاتحه دلوقتي
خلاص مش هأقفل ما تخافشي
أصلي إتعودت عليك جانبي
#كرم ميخائيل
تعليقات
إرسال تعليق