عيشة خراب بقلم / محمد خليفة
عيشة خراب
بقلم / محمد خليفة
...............
غصبن عني كنت بداري
دمع في عيني بقاله سنين
جرح في قلبي قايد ناري
ومخليني أشعر بأنين
كنت بنادي عليها يوماتي
كنت أستنى الرد يجيني
كنت أبص في كل ساعاتي
كان النوم بيصارع عيني
كنت أوقف ناس في الشارع
كنت أسألهم هل شفتوها
كنت ألف برجلي شوارع
واترجى الناس يمكن يلقوها
كنت أسمع صوتها اروح جاري
وألقى الصوت في وداني سراب
كنت المح طيفها في باب داري
واجري بسرعة أشوف الباب
وافتح بابي الاقي خيالي
وألقى حياتي تملي عذاب
وارجع تاني ابكي ليالي
وارجع تاني لعيشة خراب
تعليقات
إرسال تعليق