بقلمي ميرفت هلال{أنا قلمي طيارة ورق
أنا قلمي
طيارة ورق
سايبة مكانها
و طايرة سعيدة
لا بيرضيها
تعيش في عذاب
و لا يوقفها
حضور و غياب
بيها بعيش
الحب قصيدة
ملكي الدنيا
طويلة عريضة
و لا تهزمني
في يوم أحزاني
و لو مليت
زمني و مكاني
دي بتحضني
بين جناحتها
و بتوديني
لدنيا جديدة
طيارتي قوية
و عنيدة
لا بيكسرها
في يوم إنسان
و لا تعرف
معنى التنهيدة
بين أبياتي
بحلم و اتهنى
و بشوف نفسي
عايشة في جنة
طفلة بريئة
فراشة وليدة
أنا طيارتي
فاهمة إحساسي
و بتكتب كل
إلي في راسي
مرة تاخدني
لحد نزار
و المرة التانية
لسي جويدة
أصل أنا قلمي
طيارة ورق
بتعيشني
كل دقيقة
قصة جديدة
و دي من غيرها
عمري ما كنت
هبقى سعيدة
#بقلمي ميرفت هلال
تعليقات
إرسال تعليق