بقلمي..... ✏ مريم بوجعدة{كنت بنيه
كنت بنيه
مازال فتية
هازه القله
غادية نسقي
من المطفية
لحت الدلو
سبقني ليه ولدو
بقيت تنشوف أش هذا
جاوباتني الزيتونه
هذي خفت اليد
مني تكوني مرا كدا
ماتسبقك وقيه
ردت عليها الداليه
ماتكونيش قاصحه
يازيتونه كيف زيتك
لبنية مازالها طرية
باقي ماعرفت كيف
ترمي الدلو وتسقي
ردات عليها الزيتونه
وقال : لبنية نيه
وخاصها ذوق
لحلو والمر
وتميز بينهم
ماتاكلش غير لحلو
وتنسى قسوة ليام
أنا بغيتها تكون
ماضية كيف السيف
وتكون حاضرة بالشخصية
والكل يقدرها ويحتارمها
وتعرف كيف تحرث أرضها
وتجني غلتها وتعول على ذراعها
ماتكونش نية ويجروا بها الزربية
وتولي ضحية للذياب الغابة والبرية
بقلمي..... ✏ مريم بوجعدة
تعليقات
إرسال تعليق