فيصل بدر ((( صدقينى )))
((( صدقينى )))
***********
يا اللى كنتى ساكنه
بين قلبى وبينى
يا اللى كانت نظرتك
تقتل أنينى
يا اللى كانت همستك
نورى وسنينى
يا اللى كانت لمستك
بلسم لعينى
****
صدقينى
يوم ما قررتى العناد
زاد البعاد
يوم ما أعلنتى الحداد
مات الفؤاد
والجسم أصبح أحلى مسكن
للمواجع والجراد
ومات شعاع الأمل
فى دروب البلاد
وفرحة العمر الحزين اتبعترت
تحت رجلين العباد
وكاس الصبر حطموه
مِنِّـى الولاد
****
صدقينى
لو رجعتى
مش هيرجع نور لعينى
مش هتنبت الابتسامه
دا الأمل فاتنى وناسينى
****
صدقينى
الهموم سكنت عظامى
والحزن لسه بيشتهينى
صدقينى
******
فيصل بدر
تعليقات
إرسال تعليق