بقلمي ميرفت هلال 🌹عنيك معركتي

 


🌹عنيك معركتي 


عنيك أرض لمعركتي 

أعيش فيها زمن تاني

هصارع فيها أحزاني

بتمنحني لفرحي دليل

بيرسم حدود وطني 

و بيرجعلي عنواني 

أنا تايه وكنت ضرير

وصلت بي شراع الحب

رمت بي على رمشك

لقيت بري و شطآني

و حضنك لي دفاني 

رميت رمحي و أسلحتي

و سلمتك نبض وجداني 

أنا من غيرك أبقى ضعيف 

و حبك سندني و قواني 

ياريت عشقي يزور قلبك 

و طول العمر  تهواني

تحفر أسمي على جبينك

تعيش بي ما تنساني 

 عنيك أرض لمعركتي

 و بكتب فيها ألحاني

لما بتحضني بتسبيلها

بضيع من وقتي و زماني

ياريت تحبسني جواها 

و تقفل علي ألف باب

رضيت بيك أنت سجاني

هعيش معاك الجنة ونعيمها

و لو أختارت حريتي

هعيش وردة على جبينك

و تكون لي أحلى بستاني

على أرض معركتي

نسيت نفسي و زماني

نسيت همي و أشجاني

على أرض معركتي لقيتك 

و مين هيلقى روحه

و يضيعها من تاني 


#بقلمي ميرفت هلال

23/1/2021

تعليقات

المشاركات الشائعة من هذه المدونة

«جُودِي عَلَى شَهِيدِكِ» محمود عمر

نور في القلب يسطع/بقلم سعاد سعدي

ضوء من الغياب /الشاعر المغربي بالمهجر د.الحسين كحيل (من أكادير)