#كرم ميخائيل 😂*يجيلك شكة *😂
😂*يجيلك شكة *😂
*إلهي يجيلك شكة
لو يوم زعلتني
وتوة مني ف السكة
لو مرة جرحتني
خليك دايما لذيذ
وحلو في الكلام
إوعى كلامك يغيظ
خليك حلو اللسان
*بحبك إنت لكن
عني تبعد بعيد
لو راح تعمل مشاكل
فرفش خليك سعيد
خليك هادي ورزين
وكلامك دا موزون
ما أحبش الرذيل
ياخد عيني الحنون
*حافظ عليا حبة
إرويني من الحنان
اوعاك يوم تستخبي
مشاعرك ولا تبان
دايما حسسني إني
في حكايتك شهرزاد
اوعاك يوم تهملني
ما أحبش البعاد
*بشويش عليا حبه
خلي كلامك بهدؤ
إعمل زي الأحبه
خليك معايا ذوق
إوعى تصدمني مرة
إوعاك يا واد تكون
طالع من جرة لبرة
وتبكي لي العيون
#كرم ميخائيل
تعليقات
إرسال تعليق