د.عبدالحليم محمد هنداوى} الى ولدى الحبيب
الى ولدى الحبيب
الله عليك شايف فعنيك
امالى كلها شايف فعنيك
نظرة عنيك بتقول حاجات
كثير نلتها نظرة عنيك
لمسة ايديك تملى حياتى
بالهنا لمسة ايديك
بين وجنتيك بسمه تنور
الدنيا كلها بين وجنتيك
عطر بايديك يملأ صدرى
بالهنا عطر بايديك
بين سنتيك شهد الدنيا
كلها بين سنتيك
بتمنى ليك كل السعاده
والهنا بتمنى ليك
راضى عليك من قلبى
باقولها انا راضى عليك
بالله عليك اكبر ياولدى
زينا بالله عليك
شمس بعنيك بتنور الدنيا
كلها شمس بعنيك
دول نور عنيك امك وابوك
دول نور عنيك
يتمنوا ليك كل السعاده
والهنا يتمنوا ليك
خايف عليك من اساوة
الدنيا وظلمها خايف عليك
دعائي ليك يا رب احفظه
لنا دعائي ليك
د.عبدالحليم محمد هنداوى من من ديوانى النيل والفرات.
تعليقات
إرسال تعليق