بقلمي ميرڤت هلال 🌹قطر الغلابة
🌹قطر الغلابة
قطر الغلابة ملان
بالهم و الأحزان
واحد فقير شقيان
على شاب من دنيته
هرب ما لاقي أمان
و عجوز يكافح
على أكل عيشه
يبيع فطير و لبان
و الدنيا قاسية
عليهم مكفهاش
ظلم بني الانسان
قطر الغلابة نظيف
قلبه نقي و عفيف
مش لاقي لقمة عيشه
لكن عامل شبعان
قطر الغلابة حنين
دايما يقابل صاحبه
و ياخده بالأحضان
و صاحبه زيه حزين
لا عارف يلاقيها منين
ولا عارف يقول على فين
مهو ملهش لسان
يا دنيا خفي شوية
مفكيش دفا و حنية
و بتيجي ع الغلبان
قطر الغلابة رحيم
رايح لرب عليم
و لينا عنده وعود
بجناين الريان
قطر الغلابة محمل
بص عليه و اتأمل
كام شنطة و كام جثمان
سواق و خط و سكة
كله تايه سكران
كله برئ غلبان
و كل شئ متسجل
و ده إلي مش عارفينه
و مكنش في الحسبان
قطر الغلابة بيبكي
لكن هناك ديان
و عجبي
#بقلمي ميرڤت هلال
تعليقات
إرسال تعليق