بقلم.....مريم بوجعدة{{وجهك رخيص يا عربي

وجهك رخيص يا عربي
دمك رخيص ياعربي
شرفك رخيص ياعربي
هزيتي لهجهوج باش تبرد الجوف
هزيتي السنتير باش تبرد لهموم
لكن الضيم دكوه فيك ف التلقيح
رويتي حكايتك للوتار
حكيتي موالك ليل ونهار
ولا من يمد لك يدو
ولا من يجيب خبار
كالها العربي وغناها
وجهك رخيص ياعربي
مكرفص فسواق التيه
شمس نهار تحرق الصبا
وعرق الطين يسيل رماد
عرق لكتاف كلاوه الخطافه
مابفيت  قادر على زمان تعنطيز
مابقيت قادر على لعبة ليام
تهدو لكتاف وركابي خواو
العشه خوات من الزريعة
زريعتي من قهرت المنجل هربات
سرحات ف فدادن غير فداني
باش تقدر تعيش ولا تعاني
ياريت ياعربي نشوفها تاني

بقلم.....مريم بوجعدة