مشاعر طفل حرم وجود الأب..سفر أو انفصال .... بقلمي علا_فياله

عيشت حياتي وحكايتي
 زي روايه تتسطر 
وأقول  لما دمعي يخون
دي طرفة عيني مش اكتر
بكيت يوم ما ودعنا 
 وقالي بكرة يوم تكبر 
يمكن  ما تقدر تسامحني
او يمكن  في يوم  تعذر
ساعتها ما فهمت إيه قصده
كبرت  ولسه إحساسي بأيويا متبعتر
شويه بيقوى  ويسندني
وشويه كتير بيتكسر 
كان نفسي اشوف فرحته بيا
يوم ما انجح ولا  حتى اتعثر
تأنيبه ليا يوم ما غلطت 
ويوم ما فرحت
و يوم ما خاصمني عشان بسهر
أنا يا أبويا مش خرسان
عشان تقولي استحمل
ولو اتحملت عشان أقدر
هايفضل بعدك زي شقة سيف
بينزف  بس الجرح متخدر

مشاعر طفل  حرم وجود الأب..سفر أو انفصال ....
بقلمي علا_فياله