( سنين العمر ) بقلمي/ محمد سيوفى
( سنين العمر )
بقلمي/ محمد سيوفى
---------------------------
سنين العمر حساب بنكى
ليك تسحبه وملكش إيداع
رصيد يخلص وناس تبكى
وناس تكتب أغانى وداع
----------
رصيد مكتوب من الأول
وملكش إراده فى نهايته
لكن مطلوب من الأول
تعيشه برضا ودى حلاوته
-------------
مالوش سحب ع المكشوف
والصرف لازم يكون بحساب
ومهما قابلت حياتنا ظروف
نعشم فى رحمة التواب
--------------
سنين العمر صحبة ورد
أكيد تدبل وده معادنا
بنسقيها محبه و ود
تكون ذكرى لأحفادنا
محمد سيوفى
تعليقات
إرسال تعليق