همس الحب... بقلم مروان هلال

 همس الحب...

بقلم مروان هلال

لما انت بتحب يا قلبي...

طب قولي ليه بتخبي...

خايف تبين أشواقك؟

لمعة عنيك هتعرفهم....

ومين هيسأل في عذابك؟

غير قلب خبط على بابك...

ضمه في حضنك واخلصله...

دا الحب بالإخلاص نادر...

واياك تعاند وتكابر...

طبطب يا عم بحنية...

تلقى حياتك وردية...

وان كنت غلطان اتأسف...

وقول انا الحق عليا....

مش عيب أحس أنا بغلطي...

ولا هي تبقى عندية...

الرحمة مطلوبة ما بينا...

والإحترام حاجة أساسية...

دا الحب نعمة من ربي...

وبنوره بينور دربي..

بقلم مروان هلال...