سعيد عباس الضو{{أنا آسف ع الوقت

أنا آسف ع الوقت اللى انا ضيعته معاك
وأنا آسف على نفسى اللى تعبها هواك
بصراحة وخلينى أقولها مش قادر أنساك
مش شايف عيب إنى أشكيلك
ما تقرب طيب واحكي لك
ع السهد اللى عيشته ف ليلك
ب أستنى لقاك
معقولة ح اشوفك من تانى
وتفرح قلبى ووجدانى
والكلمه الحلوة اللى شايلها
ح تقولها وتسمعها ودانى
معقولة سنين المر
ح تمر خلاص
معقولة القلب ح يتسر
مرة بإخلاص
معقولة تجينى وتحيينى
وترجع للعمر سنينى
وح تمسح دمعى من عينى
سببها جفاك
مش قادر أصدق اكاذيبك
ولا عارف قلبى إنه يسيبك
وازاى أنا أنسى إنى حبيبك
وانا قلبى معاك
سعيد عباس الضو