قصيدة : عرايس خشب . بقلم الشاعر : حسن حلمى

قصيدة : عرايس خشب .             .20 / 12/ 2019
                    بقلم الشاعر : حسن حلمى

حاره من جوه شارع
                             وزقاق وفيه الكل سارح

والناس عرايس خشب
                                  متربطين بحبال

وكله علي مسرح الحياه
                            عايش وسارح فى الملكوت

فيهم اللى عايش في
                           البدرون ويكمل عشاه بالنوم

وفيهم اللي حاجز بلكون
                                   كل ما يشد الحبل

ترقص العرايس علي السلالم
                                       ويغنو كمان

ويضحك صاحب البلكون
                          مهو كله ضحك علي الدقون

وكله علي الحبل رقاص
                             واللي يقع ملوش خلاص

يا دوب يفكوله الحبل
                               قبل ما يفوت الميعاد

اصلك يا ولدي
                                في مسرح الحياه
وصندوق الدنيا مليان
                                     حكايات

بس يا خساره
                              راح زمن الفتوات

كل ما يربطوهم بالحبال
                         كان الجدع يفك نفسه قوام

ويسمع سقفه من الجدعان
                              ويقول ربطوني كمان

ودلوقتي
                          كل الناس متربطين بحبال
ومبقاش فيهم جدع
                          يقدر يفك الحبل زي زمان

مهو كله علي مسرح
                           الحياه بيمثل درو الفنان

وياخدو معاه سلفي كمان
                          مهو كله علي الحبل رقاص

بقلم الشاعر : حسن حلمى