#علا_فياله{{شوفوا زميلي ليه مجاش}}

شوفوا زميلي ليه مجاش

تعبان يا خايي ولا  تلاقيك
 محلش واجب المستر حسين
 عارفك هاتيجي بعد ساعه وثانيتن
وتقول سامحني  أقوم مسامحك

عدا يومين لسه خايي مكانه فاضي
والقلق قاعد بياكل جوا مني
 وكل حاجه سيبتها بتسالني عنك

حتى القلم الرصاص اللي اتقصف 
 بريته و كتبت  في الكراسه اسمك

عدا يومين والتالت جانا الخبر
أدهم شهيد ..
يعني مش جاي ياخد قلمه الرصاص
كراسته لسه الحبر فيها متمحاش 
معقوله ادهم راح بلاش

 دمه سايل وريحته  عطر
وعنيه بتبرق بس سارحه
 والوش أبيض زي طاقة نور
 وابتسامته لسه صابحه 

قوم يا ادهم وكفياك
لسه لعبنا منتهاش
 دي حتى كراستك بتناديك
قالولي ادهم  صار ملاك
سبقك هناك ......ومستنيك

#علا_فياله