$ وطني الموجوع $ بقلم/ عماد الأبنودي
$ وطني الموجوع $
بقلم/ عماد الأبنودي
••••••••••
ليه كل الأوطان فرحانة
ونا وطني هو اللي حزين
ف همومه روحه غرقانة
و دمعه ف الحبس سجين
زلزال و كوارث و اعصار
و طفولة يسرقها ضياع
و تشرد بيخدهم ليه
يقول دايما لأمل وداع
أما عجيبه عليك يا هم
ليه ماتصابش غير الغلابة
لما تيجي مش تتلم
تقولش الدنيا بقت غابة
وطني الموجوع اهو بيكي
و مين حاسس بس شكواه
مافيش غير المولي يقضي
و يرفع ... عنه كل بلاه
وطني اهو مهموم بيعافر
و يحاااارب ضد التيار
و مسيرها الغمة دي ترحل
و تطلعلو شمس النهار
و مواني الأحزان تقفل
و تعلن خلاص شطبنا
يرسم الخير طريقه يكمل
و يخلي القلوب تقولك فرحنا
بقلم
عمااد الأبنودي
23 / 9 / 2023
تعليقات
إرسال تعليق