شعر حسام بخيت يارب
يارب
يارب يا
حلّال المشاكل
سلمت أمري ا،ليك
عاجل و ف الاّجل
ا،ن كان مابين الناس
حَقي بيتاكل
يكفيني قُربي ا،ليك
بالقُرب أكون واصل
ماهو أنت لمّا ناديت
يارب لبيتك
وان عِشت تحت الأرض
يا رب أنا ف بيتك
يارب مهما قاسيت
أنا راضي بِمَشيتَك
شايل همومي ا،ليك
على ضهري واتحامِل
وان تُبت مهما عَصيت
تغفر و بتسامح
ا،هدي لي قلب غريب
زي الحُصان جامح
و عقل ف الملكوت
و ف الجمال سارح
عاشق جمال الكون
عاشق و مش طايل
يارب حلمي أكون
وقت اللُقا جنبك
يارب ا،يه راح اكون
غير خلق من خَلقك
تايه ف وسع الكون
لُه قلب بيحبَك
بس الشيطان ملعون
و النَفس بتجامل .
يارب
شعر حسام بخيت
تعليقات
إرسال تعليق