ايمان عبدالله والى{ فن الإسفاف ...
فن الإسفاف ...
شوفنا زمان الست زينات
كل كلامها حبشتكنات
يا سارق قلوب العذاري
نضحك منها ساعات وساعات
ولا الكوميدي اسماعيل ياسين
فتشني فتش يا حشاشين
رسم البسمه لكل الملايين
مات فقران مهموم وحزين
أما القصري ده كان حكايه
كلمتى ماتنزلش الأرض ابدا
وصفايح الزبده السايحه
دايما معايا
وكل كلمة ليها قصة ورواية
وحش الشاشه ده كان حريف
خفة دم وذوق وشكل ظريف
وشرف امى طول عمره شريف
يغمز غمزه تقول يا لطيف
استيفان روستى ده كان استاذ
اتحزم وارقص ونشنت يا
فالح
ابن ناس مذواق فنان حساس
حب الفن وكان ليه إنقاذ
شوفنا الفن وكان امتاع
أما الآن اسفاف وخداع
منى زكى وجوزها البياع
بيسمى العرى حرية ابداع
راحت الرجولة من اللقطه
الاولى
ازاى تقبل مشهد اسفاف
اصلك خردة ومنى ما تخاف
شكلك راجل والأصل خشاف
فضيحه كبيرة والكل عايشها
ضاعة الكرامة ومحدش شافها
احمد مكسور ومنى باحساسها
عاشت الدور والبيه طنشها
قالوا السينما يا ناس حرام
فيها العري وفيها الإجرام
محمد رمضان والسبكى
اعدام
نشر البلطجه والكل نيام
اصحوا وفقوا يا بنى ادمين
زرع زرعنا فيه قيم ودين
ضاعوا منا فى لقطتين
لما القدوة هما الفنانين
فقوا بقي ضاعت الاحلام
كل جريمة لها اوزان
رسمتوا الخطه والسرقة
تمام
أولادكم ضاعوا من كام
عام
الشاعرة
ايمان عبدالله والى
تعليقات
إرسال تعليق