💖إيمان سعيد💖وصلني جوابك
وصلني جوابك
بيحكي عن عذابك
بيقول لي طال غيابك
و القمر كل ليلة سهران علي بابك
أرد أقول ايه عن أشواقي
و أد ايه واجعني فراقك
كل ليلة سهران مع ذكرياتي
و دموعي تحكي لصورتك آهاتي
كل كلمة من كلامك
بتونس ليلي و وحدة أيامي
والقمر شاهد علي كلامي
انا هبعت معاه سلامي
كل ليلة بيشوف حبيبي
و انا محروم من طيفه يناجيني
الليل طويل و البعد قاتل وقلبي القتيل
البعد نار و الغربة مرار و ويل
وقلبي ملهوف عليك ولا بيرحم الليل
دايما بيقولوا الصبر جميل
صبرت كتير والدمع علي الخد يسيل
مشتاق القلب و لك الروح تميل
جوابي لك كلمة و دمعتين بعتهم مع شمس الأصيل
تبلغك شوقي ونار البعد لهيب ما لي عن وصلك بديل
💖إيمان سعيد💖
تعليقات
إرسال تعليق