سوريا/جمال خضور{{منمنمات من (خوابي المحكي)}}

قطفةشعر.. من(زورق الليل)

منمنمات من (خوابي المحكي)

البَسمة عَ وجهي..   /1/
منْ الصّبحْ بَكّيرْ..
والجّْارة لَ حالا..
عرْفِتْ سْرارا..
وياللي يْصيرْ..

شبّاكْ بيتي..
قْبالْ شبّاكْ هالحلوة..
والقلبْ بيرَفْرِف..
ولَ عندها بيطيرْ..
منْ شروق الشمس ْ..
لَ غْروبها…
هالقلبْ..
عَمْ يعْمِلْ مْشاويرْ..
_______________________________

مْراكِبْ الغرْبِة..     /2/
بِتْروحْ ولابْترْجَعْ..
ولو رجْعِتْ..
ياقلبي..
مابقىٰ تِقْشَعْ..
غريبة..
وتبقىٰ غريبة..
والآهْ.. يالعمرْ..
مينْ فينا يْقَدِّرْ…
ويسْمَعْ..
_______________________________

نَسْمةْهوىٰ.         / 3/
منْ جْنِينِةْ وردْكُنْ..
هَفْهَفِتْ عَ الناسْ..
فيها عطرْ..
ومينْ غيري ياحلوة..
بيعرفو..
أخدهمْ لَ بعيد..
مشْوارْ..
وضاعوا بْحلمْ..
هالإحساسْ..
وقلبي..!!..
فَتَّحْ بوابْ الهوىٰ.. .
ياهوىٰ الحلوينْ..
ما ألطفو..

    سوريا/جمال خضور