سوريا /جمال خضور{نامي عَ دْراجْ الوردْ.. }

قطفةشعر.. من (زورق الليل)

نامي عَ دْراجْ الوردْ..
بجْناحاتْ القَلبْ…
غطّيكي…
ولَمْلِمْ صَبا النسماتْ..
اتْهَفْهِفْ لَ تغْفا…
عَيْنيكِ..

منْ صْنوبرْهالجردْ..
جايي حلمْ أزرقْ..
مْزَنَّرْ بْ نِجْماتْ..
ومْنَضَّدْ بْلولو..
وشالْ..
منْ صَفا الغيماتْ..
وهالحلا..
مافي حَدا…
غيرِك يْنولو..

حكاياتْ جَوىٰ العشّْاقْ..
لو تِسْمَعي بهالليلْ..
شو يحكوا عَنّا..
ويقولوا..
نامِتْ عَ زِند سْهيلْ..
ولَفّّْا بْدَيّاتوا..
واتْعَطَّرْهالحلمْ…
ودَقْدَقْ بْوابْ..
عِيْنَيكِ..

احْبسي هالحلمْ..
لايهْربْ لَ بْعيدْ..
وتسْرقو الغربة..
بجيابوا اتْخَبّْا العيدْ..
وِنْ راحْ.. ياقللي..
نزْعَلْ ولانْعودْ…
 بقىٰ انْطولو..

      سوريا /جمال خضور