بقلم الشاعر : حسن حلمى}} قصيدة : وسادة عطر الزمان

قصيدة : وسادة عطر الزمان

.      .9/ 1/ 2020
                  بقلم الشاعر : حسن حلمى

قولى يا عطر الزمان
                             قولى فينك من زمان
كنت بتمنى عينيك
                             تيجى  وتزور  المكان
ولا لمسه من ايديك
                          تداوى جرحى من الزمان

زى نسمة ليل تعدى
                            ينسم  العطر  الحيطان
تترسم صورة خيالك
                          زى ما يكون همس عاشق
يمد  ايده  بالسلام
                            ويحضن النسمه لليلك
ويداريها بالضلوع
                           وجوه  عينه شوق وغايه
نفسه يفرد الرموش
                            تخطي صورتك بالعيون
كل ما ترمش جفونه
                            يحضنك ويخاف عليك

ولا يلمس حضن ايديك
                            يدفي من برد الحيطان

كل ما تواعد عيوني
                              قلبي يبعت السلام
يروي شريانك حنان
                             وتلمس الايدين امان

قولي يا عطر الزمان
                            لسه حضنك بيواسيني
زي ما كنا زمان

                              لسه بداري العيون
من طلتي جوه المكان

                            كنت خايف ليقولولي
متشوقلك من زمان

                           منا المشتاق وبداري
ما بين الناس
                             لا يحسني عاشق
ويخطف نظره
                              من عيوني اليك

صدقو القلب اللي
                               رق في يوم اليه
عمره ما يخون الحبايب
                              بس مستني الميعاد

يجي عطره من بعيد
                             يجي وينسم حيطاني
وتترسم صورة خياله
                            فوق حيطان كل المكان

وفوق وسادتي الخاليه
                                  دايما  له  مكان

عمره ما يفارق لي ضلع
                              مهما يطول الزمان

فاكر يا عطر الزمان
                            لساك بتسكن المكان
زي زمان
                        ولسه صورتك بتواسيني
كل ما جفنى ينام

بقلم الشاعر : حسن حلمى