بقلمي علا فياله}{حدش معاه ضحكه تايها
حدش معاه ضحكه تايها
جوا كراكيب الزمان
يالا فتش محتاجينها
تمحي تجاعيد المكان
ضحكه صافيه بدون رتوش
بدون قناع معمول وشوش
محتاجين ضحكه تزلزل
كل سراديب الكيان
حدش معاه نكته هايفه
من بتوع الناس زمان
لما كانوا بيضحكوا
كل نور الدنيا يصحى
والسعادة أوام تبان
حتى صوت الناي بيعزف
ضحكه بتغيظ الكمان
رد قال موال بضحكة
حسستنا بالأمان
قام وغنى العود يدندن
فالهموم جابت آخرها
نادت ع الأحزان تيجلها
جات وضحكت
لما سألت إيه سببها !!
سكتت وقالت ....
ناس جميلة كانوا عايشين من زمان
بقلمي علا فياله
تعليقات
إرسال تعليق