علافياله{أنا الناسك ف ملكوتك
أنا الناسك ف ملكوتك
وأنا وناسك الفضي
بنام وأتحنى ف سكونك
وأقوم بجمالك أتوضا
أنا العاشق ف ليل نيلك
أنا حيلك وترحالك
لا يوم كليت عشان بصبر
ولا هزتني أحوالك
نغيب عنك لكن بنعود
وأشوف ف جمالك الجنه
و من غيرك غريب مفقود
وطينة أرضك خضار حنه
فلما بشوف غلط فيكِ
بحاول أقول عشان حَبْك
أنا ابنك هاداويكي
فأكيد جانبك ومش ضدك
يا حلم اتفصل ومش قدي
وأنا قدي أكون قدك
ماهو نفس الطينة دي نبضي
و دم النبض من أرضك
فيبقى لا عمري هأذيكي
ولا حتى بفكر أتسلى
وهاتفضل إيدي ف اديكي
ولا عمري يا بلدي هاتخلى
#علافياله
تعليقات
إرسال تعليق