اسم الشاعر/31/12/2018 بقلم محمد البراقي الحسناوي♡♡تفكرتك يا امي ♡♡

بعنوان:تفكرتك يا امي

تفكرتك يا امي
عنگت الحيط  شحال بكيت
صورتك مرسومة على  بالي
شوفتك تمنيت
هبال  هبالي
ضحك  وما  حسيت
كنت منقية خيالي
مضوية
 البيت....

تفكرتك يا امي
فاضت دموعي على خدودي
حزين من سنين
 عليك  يا العالي شكيت
طفات شموعي قطعت الياسي
من داك اليوم جات الموت
رشات صحتي
تهديت.....

تفكرتك يا امي
تهرس كاسي
بقاو في ايديا الخوت
مالقيت لمن  نحكي
إلا  ليك
تكسرو الجنوح
الدنيا تقهر
كنتي متكياني على الصدر
تمشطي ليا  الشعر
على فراقك
ماقديت....

تفكرتك يا امي
كنت  وناسي
بحال قلبك مالقيت
 لمن نبوح
شكون  يداوي لجروح؟
سعميني يا امي
مانسيتك
على بابك دقيت:

31/12/2018
بقلم محمد البراقي الحسناوي