حكمة شوف واسكت/د/ العابد عبد الرحيم
++
/ حكمة شوف واسكت/د/ العابد عبد الرحيم
----------------------------/
( إننا نرى دولا كبرى تحاول السيطرة على دول صغرى وستتمكن من هذا .عدا إذا نزل أمر من الله و غير كل الاوضاع.! إنه على كل شيء قدير.!)
= أليس في الإتحاد قوة فأين اتحداكم يا عرب و يا
مسلمين=
= الفم امشكل بألْجَامْ و العين اتشوف أو ما اتشوف يا امسهرني طول الليل اتكلم =
= أحكي لي على غزة نحكي لك على كان أو كان =
--- باهية خيرة لوطان ---
( زجل )
----------
اضربت كفي عالكفوف
خممت قلت انشفوف
اخرج حرف من لحروف
سمعو واحد........مكفوف
قال :
اللٌي بعينيه الله يرحم.!
و السامع يسمع يفهم!
مول الكلمة مجدوب
عندي حاكي معروف
لحكاية محكية بلا خوف
طالعة من القلب و الجوف
قال صاحبي :
* وسعوا وسعوا الحلقة بالمعروف
سمعوا للحاكي حكمت ظروف.!
الحكواتي :
في أزمان من أزمان أيام سايرة
كانت همة أو شان أُو ليام دايرة
* عاد أعلاها على اسفالها.!
* اتدكٌت الجبال وُ أتواطات.!
عادت اتراب
في ااالتراب
آه منك يا حدورة
فقستها فِيٌَ تقتل
و انا بها كنذوب
في صدري ساكنة ما ودعاتو.!
ما قالت احرام ندخل للبيت
والبيت غير بيتها
والهاجم...ايموت
أيموت......اشرع
* ابكي ابكي يا اشموع ابكي ابكي بالدموع.!
زيدنا واحد على واحد
زيدنا عشرة على عشرة
احنا كيف كيف أُو كيف
سول
طابا.....و الكيف وُ لعقل
لعقل المشطون بالزلات
* عربي.... عاشق الزينات
الكلمة و الميزان اخفيف
عايشين الحيف بالحيف
احنا يد وحدة ويلي مبثورة
ما اتصفق ما ترفع اعلامات
انغنيو ليهم سلمى يا سلمات
و لا ساروت راح يفتح لقفل
يا من قاال شِي قول لا افعل
---------------
لا تفتح باب غِير بابك يا العاقل
لا اتديرها تصبح و أتكون ظالم!
أمر الله اعظيم
رددها يا اغشيم
رددها يا الكريم
* حب الحاجة في قلب العديان ساكن.!
لفحل فينا مابقا عندو حل.!
كلماتو في كلمة تمة أُوحل.!
و لاَ قدم ارجل......على.ارجل
خايف من ضربات غازي تقتل
آه منك يا بارود قاقي غِ قاقي
اقتل فالمديمة الدرب والزناقي
أنا حي بطل انكافح أُو باقي
* أنا الى هاج لبحر انهيج امعاه
* إلى عشنا النار تحرقنا كااملين
* موت وحدة كاينة ما انخاااف.!
و علاش. ؟
هذي وحدة من عشرة اهتوف
راحت العروسة بلا.....أخروف
اهدية مخطوفة و انا منتوف
آه وانشوف وانشوف وانشوف
قالوا لي :
اسكت.......او شوف.!
أمر طبقتو بالخوف.!
زدت الشوفة فالشوفة كانعاني
قلت هذي حكمة شوف و اسكت
آش انديروا يا أهل الحال والحل
ألراي راي مول القال أُو ما افعل
يا الصالحين يا اهل راي و الشوار
نطقوا بالحكمة وريونا المقصود
اللعب أطوال واتعدى كل لحدود
انقولها للناس تصحى
انقولها على غزة عزة
نحكيها بميزان
ألف الحسرة
انغنيها بألحان
الذل و القهرة
المجد اللٌي كان شيعناه
(الأمل باقي)
وأنقول ليكم القلب طايب
في لاهاي كلها ايقول كلامو
عارف الكلمة....كلمة طايحة
كَعدوا الميل اغرقتوا فالويل
اللٌي ما عندو احباب ايموت!
براني لا قبر ولا زاير ايزورو
لا نايحة اتنوح و لا شاعر!
لا شاعر يرثي مرثاه ودعناه
( عز الحبايب سولوه )
سلموا اسلام بلا اسلام
وضعوا أختام بلا اختام
واقع لخصتو بِمُرْ لكلام
( تحية لكل قلب يبكيه حب الوطن...... لن اموت راكعا )
د/ العابد عبد الرحيم : 17/01/2024
ملهمتي الفقيه بن صالح تكتب للجميع
تعليقات
إرسال تعليق