بقلمى د. عبدالحليم هنداوى}} موال هوى بلادى

موال هوى بلادى
لما قابلني الهوى
من التل والوادى
قلت منين الهوى
قال من ربا بلادى
بلاد النيل الجميله
وزرع أخضر ونادى
بلاد العلم والأزهر
على الصلاح بينادى
بلاد محمد وحسين
بلاد هند وهنادى
حضارة عمرها سنين
تعيشى حرة يا بلادى
بشبابك الطيبين
وعلما فى كل نادى
وجنود تكبر الله أكبر
دا نصرهم عادى
وصوره حلوه جميله
بكل بيت قصادى
فيها لمة العيله
وقلب كبير بينادى
مع بعض نشيل الشيله
رغم أنف حسادى
يا كل مصرى أصيل
يا كل بيت فى بلادى
شرب من ماء النيل
أكل من النخله دى
حافظ على هويتك
متميلش للناحيه دى
دا انت شعب الحضاره
أحلى مافى الدنيا دى
تعيشى حره وأصيله
دايما وأبدا يا بلادى
بقلمى د. عبدالحليم هنداوى