بقلم......مريم الشاعرة المغربية◇◇شديني وهديني في النخلة

شديني وهديني في النخلة

سالت  لعناق ولشواق
يارملة الذهبية
شهدي عليا يا رمال الصحراء
شحال مشيت فوق حباتك
حامية تكوي لعراق من لفراق
كنتي جمرة تحت لجليا
وصلتي للجوف حراقك
وخليتي حيرتي حيرة
مالقيت لي يبرد جماري
على لبعاد ولشواق
هجروا لحباب جنان اللوز
وعمروا طريقهم بشوك  الصبار
خلفوا وراهم حراس دياب
تنهش بليل ونهار
ما ترحم ماتشوف
ماتخلي لقلوبنا سراح
خيوطك يا رملة ذهبية
وخيوطي مخبلة بلحماق
عييت نفك خيوطي لمخبلة
وعييت من كثرت لعياط
عييت مانوح في لسواق
ونعيط بعيوطي المنسية
لكن بلا فايدة يا لخوت
ضاقت عليا لطواق العسرية
وليت ننذب حالي بلمزيودة الخنجرية

بقلم......مريم الشاعرة المغربية